Aktivitetar i Sauda

Sauda har eit kompakt sentrum, her er Folkets Hus med kulturskule, eit rikt kulturprogram og mykje meir, kino (opnar vinteren 2024), bibliotek og idrettshall med utandørs svømmebasseng. 

Dei som trives med ein aktiv kvardag kan gleda seg over ein stadion med heilårs kunstgressbane og springebane. 

For familiar er der ein moderne lekeplass bak rådhuset og park- og grøntområdet Andedammen familiepark. I Andedammen er der minigolf og bocciabane, utstyr kan leigas i kiosken ved minigolfbanen. Mellom Andedammen og Sauda sentrum ligg og ein splitter ny pumptrackbane. 

Mayuc Kayak har kajakkutleige, kurs og guida kajakkturar for dei som vil oppleva Sauda frå elva eller sjøen. 

I Åbøbyen er der ei historisk vandrerute og i sommarsesongen er industriarbeidarmuseet i denne bydelen ope. Her kan ein utforska korleis industriarbeidarfamiliane levde på 1920- og 1960-talet. Velj mellom mangfaldige vandringar frå varden i Sauda sentrum eller gå på guida tur i ei nedlagt sinkgruve i Allmannajuvet.

I Saudasjøen ligg naturskjønne Sauda Golfbane, ein 9-hols skogsbane med driving range ut i Rødstjødna. I dette idylliske området ligg og Anna’s Kafe på Tinghaug, ein kafe som drives på dugnad i sommarsesongen.

I Nordstøldalen kan ein besøka Eventyrskogen og Trollplassen, her er det treskulpturar av vesen ifrå norske folkeeventyr før ein tar sherpatrappene heilt opp til Hovlandsnuten, 931 m.o.h. med panoramautsikt utover Saudafjorden.

I skisesongen kan ein boltra seg ved Sauda skisenter i Svandal og i dei sju dalane med over 100km merka skiløyper. 

Når snøen forsvinn i Svandal kan ein spele frisbeegolf eller leige elektrisk mountainbike ved skisenteret.