folkets hus

I dette historiske byggjet er det to salar for konsertar, framsyningar og konferansar. Folkets Hus rommar og øvingslokale for kulturskule og kulturlivet ellers, som til dømes ungdomsaktivitetar og utstillingar.

På Folkets Hus finn du og Kraftkafeen, der du kan nyta kortreist mat og godt selskap. 

Då det norske industrieventyret starta, forvandla bondesamfunnet i Sauda seg til å bli eit moderne industrisamfunn. 

Folkets Hus vart sentral i moderniseringa av Sauda, bygget er teikna av Stavangerarkitekten Gustav Helland og Folkets Hus stod ferdig i 1931.

Då som nå vart Folkets Hus eit samlingspunkt for både lokalbefolkninga og dei besøkjande.